JUNED dadi sales ‘mesin cuci’, tapi wis pegel kliling kampung mlaku laka kang butuh.
“Ning kene wis duwe kabeh. Tapi ana kang durung ngenggo, padahal sugih, kah umae paling pojok,” jare salah siji warga.
Ngetok lawang ora dibuka-buka, Juned dugal lawang didobrak. “Sira sapa, lawang isun didobrak..?!” Mang Tarsan sewot.
“Ampun Pak, kula maksude sae, bokat ana apa-apa, sapa weruh Bapak dara tinggie kumat…?”
“Ibue ana beli Pak, isun nawarnang ‘mesin cuci’,”
Mengkel lawange burak, Mang Tarsan luru akal. “Lagi blanja, ngomonge sih sedelat, enteni bae,”
Juned wis ngenteni seng esuk sampe sore, tapi rabie Mang Tarsan ora teka-teka. “Rabi isun Maryani nembe telpon, dienteni ning dalan parek kuburan,” jare Tarsan.
Teka ning dalan kuburan laka uwong-uwong. “Ned, ente lagi apa ?” takone Bos Bewok.
“Jangjian karo Bi Maryani, arep nawarnang ‘mesin cuci’ tapi jare lakie kon ketemu ning kene,” .
“Ari Maryani kuh wis ninggal, kuh kuburane, ente kayae dikerjai ning lakie. Xix xix xix xix…..!!”Bos Bewok gemuyu ngikik. (Mama Ilik)
