BOS Bewok dadakan ngenggo seragam tentara, pangkate ora tanggung-tanggung Kapten !
“Siap…grak ! Maju……jalan !” Bos Bewok prangsae lagi dadi komandan.
“Lha Bos Bewok ngenggo seragam tentara, pangkate perwira, awite apa ya?” Juned heran.
“Waduh iya Ned, isun sih watire Bos Bewok edan,” jare Darmud.
“Wadah cilaka Mud, tulung awasi, isun arep nakon ning Mimi Suminih,” jare Juned.
Bos Bewok ngalih latiane ning dalan kang rame, kebeneran ana rombongan CPM kang lagi patroli dalan. Ndeleng tentara latian dewekan langsung curiga. “Berhenti…! Anda dari Kesatuan apa ?!” jare salah siji CPM, gawe Bos Bewok glagepan.
“Anne ora duwe kesatuan Pak, cuma lagi latian kanggo ider-ideran tujuh belasan. Seragam warisan seng Bapa Tuwa…,”
“Xix xix xix xix……!!!” Rombongan CPM pada gemuyu ngikik. (Mama Ilik)
