MASIH esuk, keluargae Mang Jarim wis ibur jagat, gara-gara Sunami lairan ora metu-metu.
“Gara-gara wong lanang kih isun dadi lara kaya kenen !” Sunami sewot.
“Aja ribut Sun coba blajara ning kucing kah, yen lairan laka aban-aban ! Justru ribute waktu demenan,” jare Bi Suminih.
Jabang bayi lair, kebenaran wadon. Bidan Denok nakon, “Arep dipai aran sapa ?”
“Ko dikit Bu Bidan, isun maune wis nyiapaken aran bagus tapi klalen,”
“Yow is dieling-eling dikit,” jare Bidan, sabar.
“Arane….Siti Rasuah….” jawab Sunami.
“Aran Siti bagus, balik ning kearipan lokal. Rasuah kuh artie suap alias sogok ! Masa arane Siti Sogok..?!” Bidan Denok sewot.
“Xix xix xix xix…..!!” Juned karo Bos Bewok kang dikandani ning Bi Suminih gemuyu ngikik. (Mama Ilik)
