BOS Bewok awan-awan planga-plongo bli karuan, dudu kenang sawan, tapi ana rasa-rasa kang ilang.
“Waduh ana apa ya, ane ora ngrasa pileg tah awak mriyang, tapi cungur ilang rasa,” jare Bos Bewok.
“Kang bener sih Bos ?” Takone Juned.
“Bener, sampe ane nyerot kopi, ilang mambue. Malah saking penasaran ngambung…” Bos Bewok bli wani nerusaken.
“Ngambung… trasie rabi ning pawon laka mambune,” jare Bos Bewok.
“Xix xix xix….trasi ilang mambue ya enak Bos !”
“Bahlul ente sih ngeres bae,” jare Bos Bewok.
“Gawat Bos, kuwen kuh arane gejala korona,” jare’ Juned kang langsung mlayu.
Bos Bewok langsung ngumpet ning kamer. “Bos Bewok…iki kula bidan seng Puskesmas arep gawa Bos isolasi,” jare bidan Siti kang seksi.
“Waduh ane numpak ojeg bae sih aja digawa ambulans, isin ning tangga,”
“Prosedure kudu digawa ambulans Bos,” jawab bidan.
“Yo Wis Bu, kita liwat gendela buri bae ya, isin….,” jare Bos Bewok.
“Xix xix xix xix……!!” Satgas Covid-19 pada gemuyu ngikik. (Mama Ilik)
