JARE Juned ning Cirebon kih durung ana wong sugih, anae wong kurang alias miskin bin kere.
“Aja mengkonon Ned, ning kene kan wis akeh wong duwe sawah amba, umah mewah, mobil bagus,” jare Bujal.
“Durung ana wong sugih Jal, anae wong kurang !”
“Maksude priben ?” Bujal Bewok penasaran.
“Iya, wis duwe sawah pitung bhau masih kurang, wis duwe toko sepuluh pengen limalas, wis duwe mobil telu pengen lima, wis duwe rabi siji pengen telu, terus…bae kurang, bagen pengen nambah pekayae liwat dalan kang curang !”
“Bener Ned, kaya laka wong wis ngrasa sugih, kurang bae. Terus bagen katone wis sugih gen lamun diutangi kah durung temtu olih,” jare Bujal.
“Kuh Jal deleng rabie Bos Bewok arep ngongkon isun tuku gas miskin 3 kg ,” jare Juned.
“Ned tuku gas 3 kilo loro,” jare Bi Suminih.
“Mih…isin beli kuh ning tabung gas ana tulisan ‘Hanya untuk Masyarakat Miskin’ masa ngenggo mobil bagus tuku gas miskin…?! ” jare Juned.
“Waduh iya ya…nembe sadar ana tulisane,”
“Xix xix xix xix….!” Juned karo Bujal gemuyu ngikik. (Mama Ilik)
