WERUH Bos Bewok lagi sugih duwit, Juned mbujuk, awit ngolo supaya duwe toko mebel ning Depok sampe nawani rangda denok.
“Bisnis kuh aja kecap bae, tapi dagang mebeler tah es teler ,”
“Ari bisnis kuh aja coba-coba, tapi lakonana kang kitae bisa,” jare Bos Bewok.
“Bos yen akeh duwit kuh aja pelit pisan sih, kaya Bos Kamid kah, sewaktu-waktu mangan ning jaba,” jare Juned.
“Cuma mangan ning jaba, kecil iwil-iwil, wis ko awan ente ning umah,”
Bakda duhur Juned teka ning umah Bos Bewok. “Bos, maksude apa, sega, jangan asem, sambel, panjelan, pindang karo krupuk digawa ning sor pelem kabeh ?”
“Lha…jare ente jaluk mangan ning jaba..?!” jawab Bos Bewok.
“Lhah dasar pelit….maksude sih aja mangan ning umah, tapi ning warung empal gentong, sate tah sega jamblang…… !!?” jare Juned.
“Ooo…..!!??” Bos Bewok pura-pura bodoh. (Mama Ilik)
