by

“Miras” kang Halal

AWAN-awan Juned karo Bos Bewok wis midang ning Pos Ronda, dudu ngadang liwate wadon rangda, tapi kanda segala-gala, sampe sok weruh urusan negara.

“Wong minuman keras alias Miras kuh wis nyata-nyata akeh bahayae malah diolihaken kang alesane investasi,” jare Bos Bewok.

“Iya Bos, wong ngamuk-ngamuk, maksa jalak-jaluk, tukaran sampe modar dewek gara-gara Miras,” jare Darmud.

“Tapi ari Miras warung wedang ning towang sih malah akeh gunane Ya Bos,” jare Juned.

“Ya iyalah, sopir kang ngantuk mampir pesen kopi bisa ngantuke ilang, wong numpak motor wedi towang dadi tenang lan bisa medang,” jare Bos Bewok.

“Ya kuwen sih Miras Mimih Ras, kang bengiyen dimodali Bos Bewok waktu masih denok,” jare Juned.

“Wis Ned, aja crita jaman semana, water ane ora betah ning umah,”

“Tapi bener ana Miras kang halal jeh Bos,” jare Juned.

“Ente ngarang bae !” Bos Bewok sewot.

“Bener Bos, kih minuman keras tapi kang halal,” jare Juned bari ngatokaken luwian glondongan es bekas nginum teh  botol ning plastik.

“Bahlul ente Ned…!!”

“Xix xix xix xix……!!” Juned karo Darmud gemuyu ngikik.. (Mama Ilik)

Comment