BENER jare wong tuwa, aran kuh baguse ngandung donga.”Zaman bengien yen lair Kemis pupute Senen arane Misnen,” jare Juned.
“Masih mending Ned, ana maning, rabie arep lairan, pas lakie nembe teka ning umah anake lair, arane Brosot,” jare Bos Bewok.
“Lha iya, ana bature kita kang arane Trobos, lantaran waktu dilairaken gampang pisan, dukun bayi durung teka si jabang wis ana ning jaba,” jare Abud.
“Kita sekiyen pusing pisan, gara-gara aran demenan,” jare Juned.
“Arane demenen bisa pusing sih kepriben ?” takone Bos Bewok.
“Iya Bos, soale aran calon rabie kita arane Lusi,” jare Juned.
“Lha Lusi kan aran bagus, aran jama now,” jare Bos Bewok.
“Iya, soale yen wis kawin engkoe bakal diundang Bu Lus….,” jare Juned.
“Xix xix xix….!!” Bos Bewok gemuyu ngikik. (Mama Ilik)
